Tula: Ina

Sa pinakamarikit na babae sa mundo,
Inaalay ang tulang ito.
Ako'y pinagpala dahil sa'yo,
Pag-aaruga mo'y nagbigay liwanag sa'king puso.

Sa mala-anghel mong ngiti
At malumanay mong haplos,
Ang buhay ko'y napuno ng kulay
At nagliwang nang tunay.

Walang sawa ang pagtangkilik sa'yo.
Ikaw ang aking Darna at idolo,
Sa aki'y isa kang huwarang totoo
Na habambuhay nakatatak sa diwa ko.

Oh aming ilaw !
Pasasalamat sa iyo'y abot langit na
Dahil sa sakripisyo't paghihirap mo,
Ako'y nabuhay sa mundong ito.